مش هو دا نفس المكان
اللى عيشت فيه زمان
وشوفت فيه كل حاجة؟
مش هما دول أبويا وأمى
وخالى وخالتى وستى وعمى
اللى علمونى كل حاجة؟
مش هو دا البيت ودى الحارة
مش هو دا مدخل العمارة
اللى لعبت فيه زمان كل حاجة؟
مش دى أودتى ودا مكتبى
ودا سريرى ودا دولابى
اللى ب أشيل فيه كل حاجة؟
مش هى دى نفس المدرسة
اللى كانت زمان مؤسسة
باتعلم فيها كل حاجة؟
مش دى ذكريات شبابى
وهما دول نفسهم أصحابى
اللى عاشوا معايا كل حاجة؟
مش هما دولا نفس الناس
اللى كان ليهم زمان إحساس
وكنوا بيحسوا بأى حاجة؟
طب ليه فجأة وبدون مقدمة
دماغى طرقعت وفقدت الذاكرة
وما بقتش عارف أى حاجة؟
السبت مايو 05, 2007 1:27 am
