حكي النسوان

موضوع: حكي النسوان الثلاثاء أبريل 17, 2007 8:14 pm

اسمعوا حكي النسوان ما بخلص والله يستر عن إيــش بحكوا

بس مش كلهم نصهم

ام جميل : مين هالبنت الي ماشية..

ام رافت : هاي بنت ام رزق.. بنت مأدبة بس بقوله عنها مصاحبة ابن ام عزو.....

ام جميل : ابن ام عزو مصاحب بنت ام رزق؟ معقول !!!

ام رافت : يييي وانت مش دارية.. مو بحبو بعض إلهم 5 سنين..

ام جميل : آه وسمعت انو ام رزق بدهاش ابن ام عزو..

ام رافت : والله ما أنا عارفة .. هو بتلاقي ام رزق احسن من ابن ام عزو...

ام جميل : ييي ييي اسكتي وما تخليني احكي.. خلي الناس بحالهم..

ام رافت : ليــه شو في احكي.. احكي يا ام جميل..

ام جميل : مهو هاد ابنها لام عزو داير ورا بنت تانية بنت ام ثروت..

ام رافت : يي يي يي علينا وامه داريه بالموضوع؟

ام جميل : امه بالمستشفى .. مو جلطها من بياختو..

ام رافت : والله يا ام جميل , بنت ام ثروت هاي مشيها مش ولا بد...

ام جميل : بعرف بعرف يا ام رافت... مش عارف ليش بخلفو وبرمو...

ام رافت : يا لطيف ومين هادي اللي ماشية بالشارع؟

ام جميل : يسعد يومها هاي بنت ام محمود ..

ام رافت : الامانة والله بنت مأدبة ومحترمة بس تمها اجكم..

ام جميل : يي علينا.. تمها اجكم.. وبقول مالها ام حسن ما وافقت ابنها حسن يخطبها.....

ام رافت : دشرك من حسن وسيرته هاد فاضي ومش لاقي حدا يربيه..

ام جميل : ليش يا ام رافت مالو مأصوف هالعمر..

ام رافت : هاد داير ورا بنتي الو سنتين واحنا مش موافقين عليه..

ام جميل : اوعي يي اوعي ... بنتك بتستاهل ثقلها ذهب..

ام رافت : بدك تقوليلي عن بنتي يا ام جميل..

ام جميل : والله يا ام رافت ... لبنتي انا تقدملها بشهرين 45 عريس.. اشي دكتور واشي جراح واشي طبيب جراح لجورج وسوف.. واشي مهندس.. بس البنت لساتها زغيرة ما طبقت ال 28 ........

ام رافت : يييييي تقوليليش عن بنتك.. بنتك ملاك بنتك يا ريت تبقى وحدة متل اخلاقها.. بنت ثقلها ذهب وماس ( وبينها وبين حالها بتقول ثقلها بصل مقشر)..

مشكوره اختي ندى الياسمين على ه الموضوع الحلو

الله يهدي النسوان

هههههههههههههه

والله معك حق حكي النسوان عمرو ما بخلص والله يستر منه

يعطيكِ العافيه على المشاركه الحلوه حبيبتي

حلو بس ما بينفع نقول الله يهديهم

لأنو ازا هداهم ببطلو نسوان

تسلمولي يا احلى عضوتين في المنتدى

على مروركم بموضوعي

اه اسفة نسيت ميكو

يسلمو

عضو نشط عدد الرسائل : 17 تاريخ التسجيل : 21/02/2007

الله يجيرنا من حكي النسوان

يسلمو

هههههههههه

بتعرفو شو اللي محبطني في هالدنيا؟

انو النسوان بدهم المساواة مع الرجل

عمرك شفتو زلام قاعدين هيك بيحكو؟

ولا عمركو شفتو نسوان بيحكو عن الفرق بين المارسيدس وال BMW

على كل حال استغفر الله العظيم

عن جد يا زلمة، بتتصور ممكن مرة تتأخر على قعدة نسوان ويكون السبب إنها غيرت بواجي للسيارة، ولا غيرت زيت وفلاتر قال؟!!

ملاحظة البواجي جمع بوجيّة يعني شمعة احتراق تغلبوش حالكو مش راح تفهموها حتى لو رسمتلكو اياها رسم

» طرق تعذيب النسوان