الرئيسيةس .و .جبحـثالتسجيلالأعضاءالمجموعاتدخول

شاطر | 
 

 يوميات مواسرجي -مواطن صالح-الجزء السابع والأخير

اذهب الى الأسفل 
كاتب الموضوعرسالة
meko_86
مشرف قسم
مشرف قسم
meko_86

عدد الرسائل : 178
العمر : 32
تاريخ التسجيل : 25/11/2006

مُساهمةموضوع: يوميات مواسرجي -مواطن صالح-الجزء السابع والأخير   الأحد أبريل 29, 2007 4:57 pm

مرحبا للجميع، هاد الجزء الأخير من مواسرجي ويا ريت يكون عجبكو


طول عمري بمشي الحيط الحيط وبقول يا رب الستر .......وماشي على مبدأ بوس الكلب من
تمه

حتى توخد غرضك منه ..والكذب ملح الرجال.والفليله تلتين المراجل..واللي ما بيجي معك تعال معه

يعني بالعربي منافق درجه اولى....زهقت من الكذب والدجل والنفاق ..وقررت اني ما اكذب ولا

انافق واقول للاعور انت اعور بعينه.فرصه الواحد يتوب ويصير مواطن صالح في رمضان

صحيت الصبح واول واحده استفتحت فيها شكريه .كنت متعود اصبح عليها واقولها صباح الورد يا امر

واول كلمه قلتلها اياها: ليش عيونك معمصات هيك وشعرك مكنفش؟.قالتلي وهي مستغربه:مالي؟

قلتلها والله ماني عارف كيف تجوزتك انا؟كني باقي مخبوط على راسي........قالتلي مالك يا زلمه

انت انجنيت؟ قلتلها انا كنت مجنون وصحيت ...قالتلي اظهر وبان على حقيقتك وقول انك اتجوزتني

على طمع ...انت نسيت انه الشقه الي والعفش الي وانت بس داخل بمجهودك.قلتلها يا ماخد

القرد على ماله..والله انا ماخلصت هالكلمه وعينك ما تشوف الا النور ...عمري ما خفت من شكريه

قد هديك الساعه ولحقتني بالمكنسه وطردتني بره البيت بعد ما اكلت كم من مكنسه على ضهري

لكن انا كنت مبسوط اني ما كذبت وقلت الحقيقه

وقفت الاسانسيل عشان انزل وكان طالع في الاسانسيل جارنا ابو احمد ومرته وابنهم اللي بلعب

كمال اجسام احمد ....ام احمد دايما بتطلع اصوات وغازات وانا بتضطر اشم واسكت وبالعكس كمان

ابتسم كاني بشم عطر فرنسي..وكالعاده من اول ما طلعت بلشت ام احمد العزف على.....

قلتلها انتي يا ملعونه .بطليها هالعاده ....ام احمد صار وجهها احمر من الاحراج ومحسوبك متيسه

معه وبحكي ونسيت انه ابنها احمد معنا ولما فتح باب المصعد ما لقيت غير بوكس بنص عيني

جابني بره العماره وبطلت اشوف اشي والارسال والاستقبال انقطع عني.......ومع ذلك كنت

مبسوط اني ما كذبت وقلت الحقيقه

وصلت عالشغل وكان لازم اصلح ماسوره مكسوره عند رئيس البلديه .ورئيس البلديه هدا طول

عمري بصلحله وما بعطيني مصاري غير انه ناهب البلد وبسرق بالعطائات بس دايما محملني

جميله انه برخصلي المحل ومفلتني اترزق .المهم صلحتله الماسوره وقلتله حسابك عشر ليرات

قاللي شو هاي العشر ليرات قلتله اجار التصليحه يا حبيبي ....قاللي شو بتحكي ولك ومن ايمتى

بتوخد مني مصاري .ناسي انه انا اللي فاتحلك المحل يا معفن قلتله بدك تدفع يعني بدك تدفع

وخلص بكفيك نهب بالعالم ... ريحتك طلعت ... قاللي ولك انت انهبلت .وعلى شو عشر ليرات يا

حرامي....قلتله اجره الشغل بعدين انت اكبر سرسري بالبلد واذا ما بتدفع راح افضحك

ضحك رئيس البلديه ورن على جرس عنده دخلوا اتنين الواحد فيهم قد البغل ومسك التلفون وقال

بالله تبعتولنا سياره الاسعاف في واحد وقع عن السطح عنا .....وقاللي اعتبر المحل تبعك مسكر

من اليوم وطالع ........وقال للشباب اعطوه اللازم .......

صحيت في سياره الاسعاف فش مكان فيي الا بوجعني وشكله الشباب ما قصروا بالضرب ولقيت

حالي بدون بيت ولا جيران ولا شغل ولا محل وحتى خسرت الحكومه وخسرت حالي لاني مكسر

قلت للممرض اللي بسياره الاسعاف :يخوي بدي منك طلب قبل ما اموت بدي توصلني على بيتي

بس خمس دقايق ...والله الجماعه حزنوا علي ووصلوني عالبيت وقلتلهم نادولي شكريه

اجت شكريه تركض..... قلتلها : شكريه ........انتي احلى واحده بالعالم واحكيلي لام احمد انه

احلى من عطرها ما شميت[color:577d=maroon:577d][/size]

_________________
يا هلا وحي الضيوفي بالرماح والسيوفي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لمسة وفا
مشرف عام
مشرف  عام
لمسة وفا

عدد الرسائل : 670
تاريخ التسجيل : 06/11/2006

مُساهمةموضوع: رد: يوميات مواسرجي -مواطن صالح-الجزء السابع والأخير   الأحد أبريل 29, 2007 8:00 pm

ياحرام وشو صار فيه مات ؟؟؟؟؟
شكرا على التكمله ميكو يعطيك العافيه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
القلب الكبير
Admin
القلب الكبير

عدد الرسائل : 750
العمر : 33
تاريخ التسجيل : 26/10/2006

مُساهمةموضوع: رد: يوميات مواسرجي -مواطن صالح-الجزء السابع والأخير   الإثنين أبريل 30, 2007 5:04 pm

هههههههههههههه
يسلمو يابو شريك
يعطيك

_________________





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يوميات مواسرجي -مواطن صالح-الجزء السابع والأخير
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القسم الترفيهي :: نكت الحب الابدي-
انتقل الى: