الرئيسيةس .و .جبحـثالتسجيلالأعضاءالمجموعاتدخول

شاطر | 
 

 يوميات مواسرجي -صايم-الجزء السادس

اذهب الى الأسفل 
كاتب الموضوعرسالة
meko_86
مشرف قسم
مشرف قسم
avatar

عدد الرسائل : 178
العمر : 32
تاريخ التسجيل : 25/11/2006

مُساهمةموضوع: يوميات مواسرجي -صايم-الجزء السادس   الجمعة أبريل 27, 2007 7:08 pm

طلعنا من صلاه التراويح انا وابو العبد وابو غسان وبعد ما قال كل واحد للتاني تقبل الله

قالي ابو العبد : اما امبارح رحتلك على خيمه رمضانيه اشي طقع العاده والليله رايح عليها كمان

ابو غسان قال: اكيد اللي رحت عليها انا احلى من تبعتك

بس للتوضيح انا كنت مفكر الخيمه الرمضانيه مكان للتعبد او مكان في اكل للفقرا ومكنتش عارف

المصايب اللي فيها

المهم ابو العبد برطم تمه وقال: ولك انا اللي رحت عليها فيها ارجيله وفيها جرسونات بنات وفيها مطرب

ابو غسان قال: الخيمه تبعتي انا في بنات بخدموا ولابسات ميني جوب وفيها رقاصه ومطربه

شكله خيمه ابو غسان افيع من خيمه ابو العبد ....بس مش عارف كيف خيم رمضانيه؟؟

ابو العبد قاله بالله جد ؟ ولك وين هاي الخيمه ؟خلينا نروح عليها الليله

ابو غسان قال : خلص انا عازمكم الليله على حسابي

وانا اذا في حد بعزمني ما بقول لأ وما بكره الا الصحن الفاضي

المهم طلعنا عالخيمه (الرمضانيه) انا وابو العبد وابو غسان ....ولما وصلناها شكلها فعلا خيمه بس

زي اللي بعملوهم للافراح او للعزا ..وقعدونا على طاوله بعيده شوي... شكله لانه احنا عزابيه

طبعا الجو كان رمضاني عالاخر.... نسوان لابسين فساتين سهره وكله مفتح بس انا بعذرهم لانه

الدنيا شوب .......ورجال مع نسوان بأرجلوا وبحششوا وصوت الضحك واصل للعقبه

في واحده واقفه عالمسرح (عريفه الحفل) او المذيعه وفعلا بلبقلها لقب عريفه لانه العريف بالجيش

رتيته شريطتين وهاي كانت لابسه شريطتين بس.....وباقي النسوان كانوا لابسين ملابس احرام

زي اللي بالحج بس ملابس احرام رجال.....يعني الجو رمضاني عالاخر

وبدت هاي العريفه تحكي: مسا الورد على جميع الحدور.... تبعا ما بحلى السهر الا في رمدان

ورمدان اللي بنجبه كلنا واللي بيجي كل سنه بلياليه الحلوه وسهراته ....رمدان الخير والمحبه

للجميع.....وفي هالجو الحلو بئدملكن المتربه الكبيره كنايفففففف

يا عمي المذيعه مبين عليها الايمان .......كلماتها كلها نفحات (رمضانيه) والمتربه كمان اسمها

رمضاني (كنايف) يعني قريب عالقطايف .الكل صار يزقف للمطربه بما فيهم انا طبعا

وشرفت المطربه وطبعا كانت برضه مخففه في اللبس كتير بس هاي كانت محرمه من الكتفين

يعني بشريطه واحده مش بشريطتين وصارت تغني برضه اغاني (رمضانيه) لهيفا ونانسي

وطلع واحد من الجمهور صار يتبرعلها بفلوس وهو يرقص (اكيد كان صايم بالنهار) وشكله هاي

الفلوس لمساعده الفقيرات من المتربات والراقصات .حرام الدنيا رمضان وفيه الخير الزلمه

وبعد ما خلصت المتربه وصلتها الغنائيه الرمضانيه اجت العريفه وقالت :اليوم في عنا جوائز

وانتوا كلكن بتعرفوا انه ما اكتر من الخير برمضان عشان هيك حبينا نئدم جائزه لاكنر واحده

بترئص ..........والله هاي ما خلصت هالكلمه ولا كل البنات والنسوان صاروا عالبست

وبدات حفله ايمانيه كبيره من الرقص والضحك وشارك فيها حتى الرجال بجد واخلاص

وفي النهايه فازت بنت بكتاب اسمه(صوموا تصحوا)

طبعا الحفله كانت للسحور وحطولنا الاكل وبلشنا نتسحر ...وبعد شوي ضرب المدفع

ووقفنا عن الاكل كلنا طبعا لانه خلص بدا يوم صيام جديد ...ولا هو ابو العبد بقول يللا

يا جماعه تأخرنا وقربت تروح علينا صلاه الصبح

تمت

_________________
يا هلا وحي الضيوفي بالرماح والسيوفي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
القلب الكبير
Admin
avatar

عدد الرسائل : 750
العمر : 32
تاريخ التسجيل : 26/10/2006

مُساهمةموضوع: رد: يوميات مواسرجي -صايم-الجزء السادس   الجمعة أبريل 27, 2007 7:49 pm

يعطيك
dddd

_________________





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لمسة وفا
مشرف عام
مشرف  عام
avatar

عدد الرسائل : 670
تاريخ التسجيل : 06/11/2006

مُساهمةموضوع: رد: يوميات مواسرجي -صايم-الجزء السادس   الجمعة أبريل 27, 2007 8:59 pm

الصراحه اول مرة اسمع بهيك خيمه رمضانيه
يسلمووو ميكو على هاي السهرة

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يوميات مواسرجي -صايم-الجزء السادس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القسم الترفيهي :: نكت الحب الابدي-
انتقل الى: